تورکی شعرلر

گوزل باخیش لار یازیلاریزینان بو وبلاقی گوجلندیرین

چال توته یی


http://turkisheer.arzublog.com/uploads/turkisheer/shahi.jpg

ائیله میشدی بیری عزم عتبات
ایسته ییردی هامی اوندان سوغات
او دئییردی : منه سجّاده گتیر
بو دئییردی : منه لبّاده گتیر
ایستییردی بیری فیروزه اوزوک
بیری خرما ، بیری انجیر ، بیری کورک
هامیسی نسیه ، فقط ضربعلی خان
الینی سالدی جیبه ، بیرجه قیران
چیخاریب وئردی کی :( آی ساققالی چال
قاییداندا منه ده بیر توتک آل  )
مشدی نین دوشدو پولا چونکو گوزو
سویله دی ضربعلی خانه بو سوزو
ائیله دین سن اوزونه مال توته یی
ایندی دن ضربعلی جان چال توته یی

ناظر شرفخانه ای


http://turkisheer.arzublog.com/uploads/turkisheer/sharafkhaneye.jpg
یازینین آرتیغندا ائیله بیلرسیز ناظر شرفخانه ای دن آٰتیخراخ
تانیش اولاسیز

آردینی اوخو
چهارشنبه 29 اسفند 1397
بؤلوملر : قیسا شعرلر,

تجنیس (جناس شعری) نه دیر ؟

تجنیس صنعتی نین تورک ادبیاتیندا بیر آیری و اوزه ل یئری واردیر و باشقا ادبیاتلاردان فرقلی گؤرسه نیر. سؤزوموزه دایاق اولاراق ، تام دئییلن جناس یالنیز و یالنیز تورک دیلینده اؤز یئرینی تاپیر. بئله کی تام اولمایان اوزده تجنیس دئییلمه ییر ، گؤستریش اوچون اوزوم ( انگور ) ، اوزوم ( صورتم ) ، اوزوم ( ببُرم ) ، اوزوم ( شنا بکنم ) ، اوزوم ( دست بکشم ) ، تجنیس ده ایشله نیر .
آیری آنلامدا بئله دئمه ک اولار کی « اوزوم » داها « ازیم » ایله تجنیس دئییر بلکه قافیه دیر.
آدلیم جناس اوستادلاری تورک تاریخینده ، دده آشیق علسگر ، دده قوربانی ، عباس توفارقانلی، آشیق حسین بوزالقانلی، اوستاد مکائیل آزافلی کیمی لر یادگار قویموشلار.
آشیق یارادیجیلیغیندا و قوشمالاردا اون بیر هیجادا یازیلیر آمما بعضاً گرایلی، بایاتی و باشقا قالیبلرده ده یازیلیر.
تجنیس شعری أن کئچمیش دؤرلردن گلمیش و بیزه چاتمیش بیر شفاهی و خلق ادبیاتی ( فولکولور ) یدی . بونون اثباتینا بئله دئمه ک اولار کی بیزیم شفاهی ادبیاتیمیزدا دئییلن بایاتی لاردا اؤز عکسینی تاپیب .
بایاتی یارادانلار، تجنیسی یاخشی و گؤزه ل بیلیب و باشا دوشموشلر. گؤستریش اوچون:
عزیزیم قارا باغی
شکی شیروان قارا باغی
بیر جوت ترلان ایتیرمیشم
آیاقیندا قارا باغی
*
عزیزیم یاد الی
یا دیوانه یا دلی
ووروب اؤزومی اؤلدوررم
یارا ده یسه یاد الی
*
عزیزیم اودو گئچدی
قلیانین اودو گئچدی
کور اولسون اووچو گؤزون
جئیرانلار اودو گئچدی
*
عزیزی یم سالماسا
خوی دان گئچیر سالماسا
بنده بنده یه نئیله ر
تانری گؤزدن سالماسا
حمید انباز


منبع : روزنامه ساقی آذربایجان 

آردینی اوخو
چهارشنبه 15 اسفند 1397
بؤلوملر : قیسا شعرلر,

آیریلیق ماهنی سین یارادان اوزوده آیریلیب اوبیرسی دونیویا کوچدی الله رحمت اله سین





ایل شاعری رجب ابراهیمی کور عباسلو  (فرهاد ) بو سری دوزدن بیزدن
آیریلیب گئتدی  روحو شاد اولسون

دوغوم گونو    ابانین ۱۵ گونونون  1314 سی اردبیلین کورابازلی سیندا
اولوم گونو    بهمنین 21 گونونون 1397 سی تهراندا 



آیریلیق

 

فیکریندن گئجه لر یاتا بیلمیرم
بو فیکری باشیمدان آتا بیلمیرم
دئییرم چون سنه چاتا بیلمیرم
آیریلیق، آیریلیق، آمان آیریلیق
هر بیر دردن اولار یامان آیریلیق

 

اوزوندور هیجرینده قارا گئجه لر
بیلمیرم من گئدیم هارا گئجه لر
ووروبدور قلبیمه یارا گئجه لر
آیریلیق، آیریلیق، آمان آیریلیق
هر بیر دردن اولار یامان آیریلیق

یادیما دوشنده آلا گوزلرین
گویده اولدوزلاردان آلام خبرین
نئیله ییم کسیبدیر مندن نظرین
آیریلیق، آیریلیق، آمان آیریلیق
هر بیر دردن اولار یامان آیریلیق
وقتی چشای رنگیت یادم میافته

آیریلیق دردینی چکمه ین بیلمز
یاردان آیری دوشن گوز یاشین سیلمز
دئییرلر اینتظار خسته سی اؤلمز
آیریلیق، آیریلیق، آمان آیریلیق
هر بیر دردن اولار یامان آیریلیق

نئجه کی ائلیمدن آیری دوشندن
سورار بیربیرینی گوروب بیلندن
حسرتله سیزلار یار داییم بو غمدن
آیریلیق، آیریلیق، آمان آیریلیق
هر بیر دردن اولار یامان آیریلیق

 

اولوبدور بیگانه یاریم_ یولداشیم
غریبه ساییلیر سئوگیم – سیرداشیم
بوجاوان چاقیمدا آغاردیب باشیم
آیریلیق، آیریلیق، آمان آیریلیق
هر بیر دردن اولار یامان آیریلیق

منی آغلاداندان گولوش ایسته رم
آیری دوشنیمله گوروش ایسته رم
حصاری ییخماقا یوروش ایسته رم
آیریلیق، آیریلیق، آمان آیریلیق
هر بیر دردن اولار یامان آیریلیق

 

سئوگیلیک اولوبدور شانی فرهادین
سئوگی سی هاردادیر، هانی فرهادین
دییه ره ک چیخاجاق جانی فرهادین
آیریلیق، آیریلیق، آمان آیریلیق
هر بیر دردن اولار یامان آیریلیق



آرتیغیندا یاشاییشین اوز دیلینن اوخویابیلرسیز 






آردینی اوخو
دوشنبه 22 بهمن 1397

آزربایجانا - محمد بی ریا دان

بسله نیر قلبیمده سونسوز حورمت، آزربایجانا
ایسته رم دونیاده من حوریت آزربایجانا
سانمایین اوز یوردومون اسرارینا بیگانه یم
من اونون سودای عشقیندن بوجور دیوانه یم
شمعه بنزر، دوره سینده فیرلانان پروانه یم
قویمارام اصلا قویولسون منت آزربایجانا
شاعیرم بیر بولبولم من، آشیانئمدیر وطن
سئیرگاهیم دیر افقلر، خوابگاهیم دیر چمن
چولده بیتمیش لاله لر، داغلاردا آچمیش یاسمن
هر بیری وئرمیش یئنه بیر زینت آزربایجانا
بیر گوزلدیر سئودیگیم کی، حسنونون حیرانیام
من اونا تعریف یازان شاعیرلرین قوربانییام
بیلمیرم صوفی پرستم، عارفم، روحانئیه م
قائلم معناده من، بیر قیمت آزربایجانا
من خیانت ائتمه دیم مرحوم اولان اجدادیما
ارث تک وئردیم بو یوردو، قهرمان اولادیما
حفظ ائدیب بو اولکه نی، باش اگمه سین جلادیما
اونلارین آوازی وئرسین، شهرت آزربایجانا
پایدار اولسون گوروم اودلو آلاولار تورپاغی
دالغالانسین شانلی بورجوندا عدالت بایراغی
قصردن خوشدور منه هر داخماسی، هر چارداغی
بسله نیر قلبیمده سونسوز حرمت آزربایجانا

محمد بی ریا 

آردینی اوخو
جمعه 28 دی 1397
بؤلوملر : محمد بی ریا ,

بو قیسا شعرین شاعرین تاپامادیم !!


http://turkisheer.arzublog.com/uploads/turkisheer/gish-yay.jpg

منیم ای نازنین دوستوم زمستانین بهار اولسون
سعادت تاجی همیشه باشیندا برقرار اولسون
اومیدیم وار او حقه نیازین اولماسین خلقه
سنی خار ایستین ظالم ، ذلیل روزگار اولسون
قورخورام غملی سوزوم سینه ده خاموش اولسون
سرنوشتیم کیمی عشقیم ده فراموش اولسون

ساقی سیز باده یاپیشمیر منه ای باده ســاتان
ایکی پیمانه گتیر با هم ایچک نوش اولسون


http://turkisheer.arzublog.com/uploads/turkisheer/turkisheer-txt-old.png

آردینی اوخو
یکشنبه 27 آبان 1397
بؤلوملر : قیسا شعرلر,

قطعه - سید عظیم شیروانی دن

http://turkisheer.arzublog.com/uploads/turkisheer/S-A-SHIRVANI_2.jpg


انتقام ایله کونول گر چی اولور شاد ولی

دم قدرتده فزوندور ، فرح و ذوق و صفا

هر جفا ائیله ینه قصد مکافات ائتسن

بس گرک عمر گرانمایه اولا صرف جفا


http://turkisheer.arzublog.com/uploads/turkisheer/TURKISHEER_TXT.jpg

قاردا اگر آجیندان  اولسا هلاک

یئمز ایت آرتیغین زمانه ده شیر

لاجوردی طلادی دیواره

گر مخنث گئیه لباس حریر


http://turkisheer.arzublog.com/uploads/turkisheer/TURKISHEER_TXT.jpg

آردینی اوخو
جمعه 6 مهر 1397
بؤلوملر : شیروانی,

قوشا بیت لر – سید عظیم شیروانی


http://turkisheer.arzublog.com/uploads/turkisheer/A-A-SHIRVANI.jpg

واعظ دئمه کی زایل ائدر عقلی پیاله

باده گتیرر مردم هوشیاری کماله

سن اوزگه گناه ائیله مه ایچ باده گلفام

اوندان نه گناه اولسا منه ائیله حواله




http://turkisheer.arzublog.com/uploads/turkisheer/TURKISHEER_TXT.jpg


گورجک آیینه روخون ، آه ائیله مک مشکل دور

درد الیندن سنی آگاه ائیله مک مشکل دور

عالم مصر محبتده کونول تختینده

هر گدانی گوتوروب شاه ائله مک مشکل دور


http://turkisheer.arzublog.com/uploads/turkisheer/TURKISHEER_TXT.jpg

یا رب گتیردی تنگه بو درد وبلا منی

ائتدی قضا  هزار غمه مبتلا منی

یا آل بو جانی جسم نزاریمدان ای خدا

یا او مه منیر ایله  قیل آشنا منی


http://turkisheer.arzublog.com/uploads/turkisheer/TURKISHEER_TXT.jpg

آردینی اوخو
پنجشنبه 5 مهر 1397
بؤلوملر : شیروانی,

بیر غزل نباتی دن

http://turkisheer.arzublog.com/uploads/turkisheer/NABATI_TXTPIC.jpg

ائیله مستم بیلمزم کی ، مئی ندیر ، مینا ندیر
گول ندیر ، بولبول ندیر ، سونبول ندیر ،صحرا ندیر
اود توتوب جانیم سراسر یاندی ، اما بیلمدیم
دیل ندیر ،دیلبر ندیر ، باشیمدا بو سئودا ندیر ؟
بیلمدیم عمرومده ، هئچ بیر کفر و ایمان هانسی دیر
احمد و محمود کیمدیر ، موسی و عیسی ندیر ؟
شیشه وئر ، پئیمانه وئر ، ساغر ندیر ، صهبا ندیر
دور ، گوزون قوربانینام مستانه گل ، ریندانه وئر
چوخ دئمه جمشید دن ، اسکندر و دارا ندیر
لو وحش لله ، کیمدی بیلمم ، عشق دیوانین یازان
عاشق و معشوق کیمدیر ، وامیق و عذرا ندیر
شاهد خلوت نشینم ائتدی رخسارین عیان
عاشیق دیوانه ، گل گور ظاهر و و ایخفا ندیر
یئتدی عمرون آخیری ،سن بیر نباتی بیلمدین
کیمدی بیر گوزدن باخان یادیلده بو گویا ندیر ؟


http://turkisheer.arzublog.com/uploads/turkisheer/TURKISHEER_TXT.jpg




آردینی اوخو
چهارشنبه 4 مهر 1397
بؤلوملر : نباتی,

استاد شهریارین ایل دونومو بوتون تورک لر تسلیت دئیرم /

شهریورین 27 سی استاد شهریارین 30 اونجو ایل دونومون بوتون دیل داشلارامی تسلیت دئیرم

http://turkisheer.arzublog.com/uploads/turkisheer/2shahryar31.jpg



تورکی بیر چشمه ایسه ، من اونی دریا ائله دیم

بیر سویوق معرکه نی محشر کبرا ائله دیم

بیر ایشیلتیدی سها اولدوزی تک گورسنمز

گوز یاشیملا من اونی عقد ثریا ائله دیم

امیدیم وار که بو دریا هله اقیانوس اولا

اونا ضامن بو زمینه که مهیا ائله دیم

....

تورکی نین جانینی آلنیشدی حیاسیز طاغوت

من حیات آلدیم اونا ، حق اوچون احیا الدیم

...

باخ کی حیدر بابا افسانه تک اولموش بیر قاف

من کیچیک بیر داغی سر منزل عنقا ائله دیم

..

نه تک ایراندا منیم ولوله سالمیش قلمیم

باخ کی ترکیه ده ، قافقاز دا  ، نه غوغا ائله دیم

باخ کی تهراندا نه شاعرلری شیدا ائله دیم

.

تورکی واللاه ، آنالار اوخشاغی ، لایلای دیلی دیر

دردیمی من  بو  دوا ایله  مداوا  ائله دیم

شهریار حیف ساووخدیر بو دگیرمان هله ده

دارتماغا یوخدی دنی من ده مدارا ائله دیم

 

 

آردینی اوخو
سه شنبه 27 شهریور 1397
بؤلوملر : شهریار,

استاد شهریارین اناسینین و اتاسینین شکیل لری

سید محمد حسین بهجت تبریز  1285 شمسی ایلینده تبریزده آنادان اولوب دی
آتاسینین آدی حاجی میر آقای خشکنابی و بستان آبادین خشکناب کندینین ایل دار
آداملارینان بیریمیش کی تبریزده وکالت ایشینه مشغولوموش  کی شهریار اوز شعرینده ده اونا
اشاره الیب دی

منیم آتام سفره لی بیر کیشی دی

ایل الیندن توتماخ اونون ایشیدی

گوزل لرین آخیره قالمیشیدی

اوننان سورا ، دونرگه لر دوندویلر

محبتین چیراخلاری ، سوندیلر


               

http://turkisheer.arzublog.com/uploads/turkisheer/shahryarin_atasi.jpg
شهریار بیرینجی شعرلرین فارسی دیله دئیب  و اوزونه یاخشی بیر آد قازانیر
استاد شهریارین تورکی دیله شعر دئمکی بیز اونون آناسینا مدیونوخ


http://turkisheer.arzublog.com/uploads/turkisheer/SHAHRYARIN_ANASI.jpg
شهریارین اناسینین شکیلی
بیز حیدر بابا منظومه سین و شهریارین تورک شعرلرین بو بویوک خانیما مدیونوخ

آردینی اوخو
دوشنبه 26 شهریور 1397
بؤلوملر : شهریار,
وبلاقا گؤره


گوجوموزو ویریریخ تورکی شعر و شاعرلرینن آرتیخراق تانیش اولاق

سون یازیلار
بؤلوملر
آچارسؤزلر
سورغو
  • هانسی شاعرین شعرلرین آرتیخراخ بئینیرسیز؟
باغلانتی لار
     
ساخلانج
سایغاج
  • ایندی وبلاقدا :
  • بو گونون گؤروشو :
  • دونه نین گؤروشو:
  • بو آیین گؤروشو :
  • بوتون گؤروشلر :
  • یازیلار :
  • باخیشلار :
  • یئنیله مه چاغی :
تام حقوق لار قورونور. آرزوبلاق دان گوج آلیب.