باهالیقدان دئمیون چونکی وزیرلر داریخیر
امر ائدیب لر بیزه چین خلقی کیمی آزجا یئیک
تویوق اولمازسا پیشیک ، عقرب ، ایلان صرف ائلیک
یوخسا یئرده نه قالار اوغرولارین چال چاپینا
بیز یازیق میلتی دوولت سریبدیر ساپینا
عورضه سی یوخدو وطن ساخلاماغا خلقی چاپیر
تندیرین ایستی گوروبدور کی بوجور هر نه یاپیر
بیزی آللاه یارادیب دونبادا غم چکمک اوچون
بیز آج اولدوق آغالار قویدو اَتی آغ لاواشا
عوموروموز موفته یئره دئیدی داشا چیخدی باشا
آی "نیر اوغلو" باشووی آت یئره یات بی خیال اول
نه گوزلدیر اوله سن ، یا اولاسان دونیادا خول
روزبه صمدی (نیر اوغلو)