بوگون 23 مرداد رحمتلیک حمید ارش ازادین ایل دونومودو اللاه اونا رحمت ائله سین
اوز دئدیگی کیمی بیز ایران میلتی اولونون قدرین بیلریک آمما نه قدر دیریدی اونا
هئش بیر ارزش وئرمریک بو بویوک شاعریمیزی یاد ائلمک دن خاطیر اونون شعرلرین
بیرین بوردا سیزه تقدیم ائلیرم اللاه اونون روحون شاد ائله سین جون بیر عومور
دوزدو اوزو شاد یاشامادی گوجون ویردی بیزی گولدوروب شاد ائله سین
بخته ور یوخسول
معلم کارمند اولسون آدین یا کارگر یوخسول
تفاوت یوخدور هر حال دا اولوب سان بختور یوخسول
اونه م لی بیر بشر سن ، چوخ اهمیت لره مالک
قویار هر بیر ایشین ،هر بیر زادین چوخلو اثر ، یوخسول
تورم عرشه قالخار ،قووزانار افلاکه قیمت لر
بیر آزجا آیلیغین آرتسا یا مُزدن مختصر یوخسول
رئییس بایراملیغا یوز میلیون آلسین ،هئچ ده یوخ عیبی
سن آلسان یوز مین تومن دونیا گورر چوخلو ضرر یوخسول
گئدیب اورمو گولونده اوز دویونجان پالچیقا قویلان
شفا وئرمز سوموک ده سانجی یا بالتیک ،خزر یوخسول
وکیل تهران دا ،شورا عضوی شهرینده ،چکیر زحمت
سنه یوز مین شعار تولید ائدیرآخشام -سحر یوخسول
وزیر اون یئددی ساعت گون ده تر توکمک چالیشماق دا
توکن سه وعده لر بیرگون شعارلار اولسالار تعطیل
سنین وضعین اولار بیر لحظه عقرب در قمر یوخسول
شعار یاندیر اوجاق دا وعده لر توک قابدا قوی پیشسین
بولاردان یاخشی پالتار تیک ،گئیین اول موفتخر یوخسول
هر ایل دا لاپ آزی بیر سئچکی وار رایه اولور حاجت
اولورسان ایل ده بیر یول لاپ عزیز چوخ معتبر یوخسول
فقط بیر ایستگیم وار بو سوبسیدن گوز اورت قارداش
اولور مسئول لارا سوبسید همیشه دردسر یوخسول
بو سوبسید میلی ثروت دیر گرهک قدرین بیلک دایم
بولامسان قیئما اولسون ملی ثروت لر هده ر یوخسول
بوراخ قیمت لر گرجک لنیب لاپ واقعی اولسون
سئوه ر گرجک لیگی دائم جهاندا هر بشر یوخسول
دئیردیک اورتادان بیز قالدیراق یوخسولوغو بیرگون
بوگون یوخسول لاری قالدیرماغا واردیر نظر یوخسول
بو ارش کی گوروسن سوزلری وسواس خناس دیر
سن ابلیس دن اوزاق گزچون کی وار اوندا خطر یوخسول
حمید ارش ازاد
دوغوم گونو 4 دی 1327 اینجی ایل تبریزده
اولوم گونو 24 مرداد 1389 اینجی ایل تبریز