نئجه کی بیلیرسیزعبدالله شایق اوشاق ادبیاتینین بانی لریندن بیری
دیر بوردا شایقین کندلی و ایلان شعرین اوخویا بیلرسیز :
کندلی و ایلان
گلدی دئدی کندلی‌یه بیر گون ایلان
گل داها رفتار ائلییک مهربان
باشقا جوره ایندی گؤرورسن منی
بس نه سبب قورخویا سالمیش سنی؟
کؤهنه قابیقدان چیخاراق بو باهار
باخ قابیغیم تازه‌لنیب آشکار
کندلی قولاق آسمادی بئیله دیله
بالتانی درحال او آلدی اله
گر قابیغین تازه‌لنیب سر به سر
کؤهنه اوره‌کدیر،اوره یین حیله‌گر
بونی دئییب ایلانی محو ائیله‌دی
واهمه‌دن قلبینی صاف ائیله‌دی
یاخچی لیباسه بد اولان گیرسه‌ده
جیلدینی یوز نوع دییشدیرسه‌ده
خلق داها ائتمز اونا خوش گومان
آلار جزاسین، نئجه آلدی ایلان