میلتیم

نیه بو گونه دوشدون
آی منیم مملکتیم؟
اوزومه دوشمن اولوب
آشیب-داشان ثروتیم.

بیر واخت سن ده خان ایدین،
واختا حوکموران ایدین،
دوولتلر قوران ایدین،
ایندی سنه نه اولدو
آ قول لاشان میلّتیم؟

داشیندان دا زر بیتر،
یئددی آرخانا یئتر.
دیلنچیدن بئش بئتر
یوخسول لاشان میلّتیم.

ناموسولا، آرییلا،
کئچدیگی یول لاری یلا،
بویوک اوغول لارییلا
اوغوللاشان میلّتیم.

ساواش هونرلری یله،
قهرمان ارلرییله،
بویوک ظفرلرییله
ناغیللاشان میلّتیم.

دمیر قوران دیشییله،
ایگیدلیک وردیشییله،
اوز شانلی کئچمیشییله
"ساغوللاشان" میلّتیم.

بو خالقین اوز اوولادی
اوز-اوزونو اوولادی.
صبرینی بوخوولادی
صبری داشان میلّتیم.

نئجه دوزدون بیر بئله
موصیبته، موشکوله؟
چکدیگی سیتم ایله
آ یوللاشان میلّتیم؟

نه گۆنده‌سن، نه گونده؟
قور قالماییب کولونده.
غئیرتسیزلر الینده
بو گون چاشان میلّتیم.

ایسته‌ییرم چاشمایا،
دردییله یوللاشمایا،
بیر داها قوللاشمایا
خان اوغلو، خان میلّتیم.