تورکی شعرلر

گوزل باخیش لار یازیلاریزینان بو وبلاقی گوجلندیرین

بو بیزیم مملکتیمزدی

http://turkisheer.arzublog.com/uploads/turkisheer/baxtyar_vahabzadeh2.jpg

داشیندان دا زر بیتر،
یئددی آرخانا یئتر.
دیلنچیدن بئش بئتر
یوخسول لاشان میلّتیم.

استاد بختیار وهاب زاده

شعرین بوتونون یازینین آرتیغیندا اوخویا بیلرسیز

آردینی اوخو
جمعه 15 مهر 1401
بؤلوملر : بختیار وهاب زاده,

آللاه (بختیار وهاب زاده)


ایدراکدا یول آچمیش گئجه دن گوندوزه آللاه،
گولدورمه سه ن اؤز کؤنلونو، گولمز اوزه آللاه
دونیایا شفقلر کیمی تانریم سپلنمیش،
قلبین گؤزو یانماسا، گؤرونمز گؤزه آللاه.

آللاه! بیلیریک جیسم دئییل، بس ندیر آللاه؟
ان یوکسک اولان حاقدا، حقیقت ده یر آللاه.
دوندونسا تکامل و گؤزللیک قاباغیندا،
درک ائت بو، تعجوبده، بو حئیرتده دیر آللاه.

بیلدیک، بیلیریک، گیزلیدیر اینسان داکی قدرت،
هر کس اونو فهم ائتمه سه، عاجیزدیر او، البت.
اینسانین ازل بورجودور اینسانلیغا حؤرمت،
اینسانلیغا حؤرمتده، لیاقتده دیر آللاه.

گئرچک ده بودور: گیزلیدیر هر ذره ده وحدت.
بیر ذره ایکن کله قوووشماق اولو نیت.
گؤردوکلریمیز ظاهیردیر، بطنه نفوذ ائت!
باطنده کی، جؤوهرده کی فیطرتده دیر آللاه.

فیطرت ده یاتیر سؤزده، سؤزون اؤز یوکو فیکریم.
سئچمیش، سئچه جک دایما توکدن توکو فیکریم.
من بیر آغاجام، یارپاغی سؤزلر، کؤکو فیکریم،
سؤزلرده دئییل، سؤزده کی حیکمتده دیر آللاه.

اینسان! تپه دن دیرناغا سن آرزو، دیلکسن،
نفسینده دویومسوز، فقط عشقینده ملکسن.
ظولمون اوزونه حاق دئییلن شیلله نی چکسن،
شیللنده مؤهورلنمیش او غئیرتده دیر آللاه.

جاهیل ائنر آلچاقلیغا، اؤز قلبینه یئنمز،
ویجداندان اگر دؤنسه ده، خیریندن او دؤنمز.
ظولمتده، جهالتده، عداوتده گؤرونمز،
ایلقاردا، صداقتده، محبتده دیر آللاه.

آردینی اوخو
دوشنبه 25 بهمن 1400
بؤلوملر : بختیار وهاب زاده,

بختیار واهاب زاده 13 اونجو اولومونون ایل دونومونون گونو موناسبتیله


محمود اوغلو بختیار واهاب 1925 میلادی ایلینده شکی
شهرینده آنادان اولموشدور 1964 اونجو ایلده ادبیات دوکتولوغون
و 1965 اونجو ایلینده پروفسورلوق درجه سینی آلمیشدیر
1974 و 1976 اونجو ایل لرینده اینجه صنعت خادمی مدالینا لایق 
گورولموشدور
بختیار واهاب زاده ایلک شعرین 1943 اونجو ایلده (آنا و شکیل) عنوان 
ایلا باکی شهرینده نشر ائدمیشدیر
اونون بعضی شعر مجموعه لرینن بئله آد آپارماق اولار
ادبی هئیکل (1953) 
ساده آداملار (1954)
جئیران (1957)
اینسان و زمان (1964)
کوکلر(1957)
بوداقلار(1968)
دنیز - ساحیل(1969)
دان یئری (1973)

بختیار واهاب زاده "آتیلمیشلار" کیمی منظومه سی چاغداش
شعرین اَن گوزل و تحسینه شایان نمونه لرینن دی

اونون باشقا منظومه لری ده واردیر :
موغام (1975)
شب هجران (1959)
اضطرابین سونو (1956)
اعتراف(1961)
یول لار اوغول لار (1963)
اولوم - حیات (1965)

آردینی اوخو
دوشنبه 25 بهمن 1400
بؤلوملر : بختیار وهاب زاده,
وبلاقا گؤره


گوجوموزو ویریریخ تورکی شعر و شاعرلرینن آرتیخراق تانیش اولاق

سون یازیلار
بؤلوملر
آچارسؤزلر
سورغو
  • هانسی شاعرین شعرلرین آرتیخراخ بئینیرسیز؟
باغلانتی لار
     
ساخلانج
سایغاج
  • ایندی وبلاقدا :
  • بو گونون گؤروشو :
  • دونه نین گؤروشو:
  • بو آیین گؤروشو :
  • بوتون گؤروشلر :
  • یازیلار :
  • باخیشلار :
  • یئنیله مه چاغی :
تام حقوق لار قورونور. آرزوبلاق دان گوج آلیب.