تورکی شعرلر

گوزل باخیش لار و سوزلریزنن بو وبلاگی گوجلندیرین

قارغا و تولکو

قارغا و تولکو  هوپ هوپ نامه دن

http://turkisheer.arzublog.com/uploads/turkisheer/tulki_va_ghargha.jpg

پئندیر آغزیندا بیر قارا قارغا
اوچاراق قوندو بیر اوجا بوداغا
تولکو گؤرجک یاواش – یاواش گلدی
اندیریب باش ادبله چؤمبلدی
بیر زامان حسرت ایله قارغا ساری
آلتدان – آلتدان ماریتدی باش یوخاری
دئدی: «احسن سنه، آ قارغا آغا!
نه نزاکتله قونموسان بوداغا!
بزه دین سن بوگون بیزیم چمنی
شاد قیلدین بو گلمه یینله منی
نه گؤزه لسن، نه خوش لقاسن سن
یئری وار سؤیله سم – هماسن سن
توکلریندیر ایپک کیمی پارلاق
بد نظردن وجودون اولسون ایراق!
بو یقین دیر کی، وار سئویملی سسین
اوخو، وئرسین منه صفا نفسین!»
بؤیله سؤزدن فرحله نیب قارغا
آغزینی آچدی تا کی، ائتسین – غا
«غا» ائده رکن هنوز بیرجه کره
پئندیری دیمدیییندن ائندی یئره
تولکو فوراً هواده قاپدی یئدی
قارغایا طعنه ایله بؤیله دئدی:
«اولماسایدی جهاندا سارساقلار
آج قالاردی یقین کی، یالتاقلار»!


میرزا علی‌اکبر طاهرزاده صابر

آردینی اوخو
پنجشنبه 1 شهریور 1397
بؤلوملر : صابر,

گوزل بیر اعتراضی شعر صابردن

http://turkisheer.arzublog.com/uploads/turkisheer/saber-1.jpg

ملّت نئجه تاراج اولور اولسون نه ایشیم وار
دشمنلره محتاج اولور اولسون نه ایشیم وار
قوی من توخ اولوم، اؤزگه لرایله نه دی کاریم
دنیا و جهان آج اولور اولسون نه ایشیم وار

سس سالما، یاتانلار آییلار، قوی هله یاتسون
یاتمیشلاری راضی دئییلم کیمسه اویاتسون
تک تک آییلان وارسا دا حق دادیما چاتسون
من سالم اولوم جمله جهان باتسا دا باتسون

ملت نئجه تاراج اولور اولسون نه ایشیم وار
دشمنلره محتاج اولور اولسون نه ایشیم وار

سالما یادیما صحبت تاریخ جهانی
ایامِ سلفدن دئمه سؤز، بیرده فلانی
حال ایسه گتور میل ائلییوم دولمانی نانی
مستقبلی گورمک، نه گرک، عمردی فانی

ملت نئجه تاراج اولور اولسون نه ایشیم وار
دشمنلره محتاج اولور اولسون نه ایشیم وار

اولاد وطن قوی هله آواره دولانسون
چیرکاب سفالتله ائله باشی بولانسون
دول عورت ایسه سائله اولسون اودا یاتسون
آنجاق منیم آوازه شأ نم اوجالانسون

ملت نئجه تاراج اولور اولسون نه ایشیم وار
دشمنلره محتاج اولور اولسون نه ایشیم وار

هر ملت ائدیر صفحهْ دنیا ده ترقی
ائیلر هره بیر منزل و ماُوا ده ترقّی
یورغان دوشه ییمده دوشه گر یاده ترقی
بیزده ائدیریک عالم روْیاده ترقّی

ملت نئجه تاراج اولور اولسون نه ایشیم وار
دشمنلره محتاج اولور اولسون نه ایشیم وار

میرزا علی اکبر طاهر زاده (صابر)

آردینی اوخو
پنجشنبه 1 شهریور 1397
بؤلوملر : صابر,

زر مشگل گشادیر


http://turkisheer.arzublog.com/uploads/turkisheer/seyed_azim_shirvan_1.jpg
جاهان ملکونده زر مشگل گشا دیر
نه مطلب ایسته سن اوندان روا دیر
اگر بیر کسده اولسا مال دونیا 
تمـاما خلق اونیـله آشنا دیر
گدانی زر قیلیر عالمده سلطان
اگر سلطان اولا بی زر ، گدا دیر
بو سوز شرعا اگر کفر اولماسایدی
دئیردیم فی الحقیقت زر خدادیر
دئسم گر قاضی الحاجات حق دیر
دئسم گر کاشف الغم دیر روادیر
محافل لر ایچینده اغنیانین
کلامی سان کلام اولیادیر
اگر بیر کس منیم تک اولسا مفلس
کلامی کذب دیر ،  قولو خطادیر

کونول ، غم چکمه مفلس لر پناهی
و لیل الحق علی مرتضی دیر


سید عظیم شیروانی

آردینی اوخو
پنجشنبه 1 شهریور 1397
بؤلوملر : شیروانی,

ندارم

http://turkisheer.arzublog.com/uploads/turkisheer/ali_agha_vahed.gif


آسوده منم که خر ندارم از اب و علف خبر ندارم
دونیادا بیر بیره سراپا  مین حشر اولا شورش ایله برپا
سرتاسر اگر داغیلا دونیا تاثیر ائله مز منه هئچ اصلا
اسوده منم که خر ندارم از اب و علف خبر ندارم
ملت باتا یوز غم و ملاله نئی تک ائده لر فغان و ناله
هر گون یئته گر وطن زواله بیر ذره جه دوشمورم خیاله
اسوده منم که خر ندارم از اب و علف خبر ندارم
یوخسول اولا گر بوتون جماعت گر اولسه ده قیلمارام حمایت
ملت غمی بی غمه نه حاجت ؟ بیر کس منه ائیله مز ملامت
اسوده منم که خر ندارم از اب و علف خبر ندارم
نه اهل دیلم کی آنلایام دیل نه عاریفم علم ائد ه م تحصیل
نه ائیله جه ناقیصم نه تکمیل نه خواهش ائده رسم اولار حاصیل
اسوده منم که خر ندارم از اب و علف خبر ندارم

آردینی اوخو
دوشنبه 29 مرداد 1397
بؤلوملر : واحد,

یتیم مالی

سلام عزیز دیلداشلاریم بیلمیرم نَئیه گورا ! شهریارین بو شعری بتر مملکتین
ایندیکی سیاسی اوضاسینا  باغلی گورورم ؟!؟؟!     سیز نئجور؟

http://turkisheer.arzublog.com/uploads/turkisheer/shahriar_yetim_mali.jpg

آتامیز یوردی بؤلونمکده دیمه اویناش آراسیندا

بؤلونر یوزیاشینون جرمه سی فراش آراسیندا

آتامیز(کوروشی) دنیا یاسوبن دخمه سی ایچره

آنامیز ایرانی بؤلمکده دیر اویناش آراسیندا

داراشوب جانیمه دشمن هره بیر دیش قوپاریلار

بو یتیم مالی قالوب بیر سوری کلاش آراسیندا

باخ نجه قیزلاری، عورتلری، سائلیک ائدیلر

ملتین ناموسی دیر، فیرلانیر اوباش آراسیندا

تاپسا ملت یاوان آش، ئوزلری بوزباشی یسینلر

گنه بیر نسبت اولور آشیله بوزباش آراسیندا

قره ملت قالوب آج، جانی گئدیر، اوستلیک ایمان

بؤلونور باغ بالی اربابیله آغ باش آراسیندا

آش ایچنده علما آز قالیر اودسون قاشیقندا

نیلسون شک ائلیوب قاشیقلن آش آراسیندا

آغ گؤرچین، نه روادیر که ایشیقلیق، قوشی سن تک

یاتا بایقوش یوواسیندا قالا خفاش آراسیندا

گوز یاشیمسان سن آراز قویما گوزوم باخادا گؤرسون

نه یامان پرده چکوبسن ایکی قارداش آراسیندا

دئمه داغ داشدی سلیمان سنی مندن آییران شئی

بیر چیبباندیر کی چیخوب دور گوزیلن قاش آراسیندا

خلقی دارتیر، بو دگرمان داشی تک داغلاری ایله

بیزی دارتاندا قالایدی الی بیر داش آراسیندا

شهریار سن یازان اشعاری اوزاقدان تانیرام من

بیر ایوشماخ داغی وار نقشیله نقاش آراسیندا


استاد شهریار

آردینی اوخو
دوشنبه 29 مرداد 1397
بؤلوملر : شهریار,

ممو بئی ممایی دن بیر گوزل شعر

http://turkisheer.arzublog.com/uploads/turkisheer/khoy_bazar.jpg

وه ، نئجه کج گردش ائیلر چرخ کج ، رفتارکج
عصر کج دیر ، دوور کج  ،دوران بد کردار کج
دوغرولوق معدوم اولوبدور مردم آفاقدن
قول کج ، افعال کج ،کردار کج ، گفتار کج
قالماییب داد و سیتد  اهلینده  اصلا دوز عمل
مشتری کج ، سود کج دیر ، تاجر بازار کج
راستلیقدان دوندریب اوز جمله موللا و کشیش
خیرقه کج ، عمامه کج ، تسبئه کج ، زنّار کج
شئشدر حیرنده مات اتمیش منی نراد چرخ
باغلاییب شش خانه ، اوینار پنج کج ، هم چار کج
حیله و تزویز و مکریله ، ریا خلقین ایشی
قوم کج دیر ، خیش کج، ابباب کج ، اشراف کج
نه دیانت ، نه امانت ، نه صداقت ،نه وفا
گورمه دیم بیر دوز عمل ، گوردوم نه قدری وار کج
ای ممای ، هر نه یازسان دوغرولوقدان یازگینان
سویلمه گفتار کج ، یازما بئله اشعار کج

آردینی اوخو
یکشنبه 28 مرداد 1397
بؤلوملر : ممایی ,

ائی اوزی گول ، لب لری مرجانیمیز (نسیمی )


http://turkisheer.arzublog.com/uploads/turkisheer/emad_aldin_nasimi_txt.jpg

ائی اوزی گول ، لب لری مرجانیمیز

ائی گوزو نرگیس ، شحی – مستانیمیز

اوزونه قارشی سجود ائلر ملک

سجدیه اینکار ائدر شیطانیمیز

نونو - عینین حق کتابی دیر ، ولی

صورتین نقشیدورور قورانیمیز

صورتی – حق دیر جمالین ، ائی نیگار

ئوش نبی نین سوزلری بورحانیمیز

خیزر اگر ظلمتده ایستر آبینی

لب لرین دیر چئشمئیی – حیوانیمیز

شول سفاسیز صوفیی گور کیم نئجه

دم وورار بیمه ریفت حیوانیمیز

فاوو و زاد لام دیر فز لی – ایللاه

فضلینه قوربان ادلیم جانیمیز

حوکمونه تسلیم اولور جانو کونول

ای ووجودوم تختینه سلطانیمیز

ائی نسیمی ، گووهرین خرج ائیلمه

اولمایینجا موشتری جانانیمیز

 

 

عمادالدین نسیمی

آردینی اوخو
یکشنبه 27 اسفند 1396
بؤلوملر : نسیمی ,

نسیمی کیمدی

http://turkisheer.arzublog.com/uploads/turkisheer/nasimi_kimdi.jpg

عماد الدین نسیمی نین آنادان دوغولدوغو یئر و ایل بللی دگیل

بویوک بیراحتمالا گورا    ۱۳۶۹ میلادی  ده  شیروان اطرافیندا

شاماخی دا دوغولموشدور لطیفی تذکره سینده نسیمی نین

بغدادین نسیم آدلی   یئرینده ، آشیق چلبی دیاربکرده ، عرب

تاریخچیلری تبریز ده ، ممتاز شاماخی دا سونرالار ایسه شیراز

و... شهرلرینده آنادان اولدوغونو یازیرلار . عراق تورکمن لری اونو

اوزلری نین ایلک  شاعری ساییلار  .

سید علی نسیمی تحصیلاتین شاماخی دا آلمیش ،دوران علم

لرینی ؛ دینلرین تاریخی ، منطق ، حکمت ، فقه ، عروض ، قافیه

، ریاضیات و نجوم اویرنمیش ، اونونجو عصرده بغدادا دارا چکیلمیش

حلاج منصور حسینی نین صوفی گوروشلرینی تبلیغ ائده ن نسیمی

ایلک شعرلرینی ((حسینی ))،((سید))و((سید حسینی)) تخلصو ایله

یازمیشدیر.

حروفیه فرقه سی قوروجی سی اولان فضل الله نعیمی حروفیلیگی

یایماق اوچون۱۳۸۶ ینجی ایلده شیروانا گلندن سونرا نسیمی اونونلا

گوروشوب تانیش اولموش و اونون شاگرد لیگینی قبول ائتمیش .

نسیمی ، نعیمی نین تعلیمینی قبول ائدندن سونرا حروفیه طریقتین

فکرلرینی تبلیغ ائدن شعرلر   یازماغا  باشلامیش  و  اوز تخلصونو

اوستادی ((نعیمی )) نین تخلصو ایله اویغونلاشدیرماق اوچون

((نعیمی )) ایله هماهنگ سسلنن ((نسیمی )) تخلصونو قبول

ائتمیشدیر .

۱۳۹۴ نجو ایلده فضل الله نعیمی امیر تئیمورون اوغلو میرانشاه

طرفیندن الینجه قالاسیندا اولدورولدوکدن سونرا اونون وصیت نامه

سینه گوره  نسیمی باکیدان آنا دولیا گئدیب (بیرینجی سلطان

مراد دورونده) بیر مدت آنادولودا  قالیر  آنادولودا بیر چوخ شاعر و

ادیب لرله گوروشوب آرخا داشلیق ائدیر ، حاکم طبقه لر حروفیلری

بورادادا تعقیب ائدیردیلر . بو اوزدن نسیمی حلبه گئتمیه مجبور اولور

بو  دورده حلب و  مصرده اصللری  تورک اولان  مملوک لار  حکومت

ائدیردیلر نسیمی حلبده بیر یاندان صنعت و علم طرفدارلاری آراسیندا

بویوک حرمت و نفوذ قازانیر  او بیری یاندان جسارتلی و حق سئور

شهرلرینه گوره روحانی لر و حاکم طبقه لر  آراسیندا دوشمنلری

آرتیر اونا گوره نسیمی نی توتوب حبس ائدیب و بویوک  شکنجه

ایله اولدورولر  نسمی نین اولومو بارسینده بئله یازیرلار حلبده شاعرین

سئویملی شاگردلرینین بیری اونون

حق بین نظری باید تا روی مرا بیند 

چشمی که بود خود بین کی  روی خدا بیند

بیتی ایله باشلانان شعرینی اوخویورموش.

بو غزل کیمیندیر ؟

منیم شعریمدیر دئیه جاواب وئریر

بونا گوره ده گنجین (جوانین ) اولومونه حکم وئریب بوغازیندان

آسماق ایسته ییرلر بو زامان نسیمی اوزونو اورایا چاتدیراراق بئله

دئییر شعر منیم دیر او گنج منیم خاطریم اوچون غزلی اوزونه اسناد

وئرمیشدیر گنچی بوراخیب نسیمی نی توتوب و دریسینی

سویولماسینا حکم وئریلر

دریسی سویولاندا شاعر چوخلو قان ایتیر دیگیندن رنگی سارالیر

دئیه سن سوروشولار :  رنگین نه اوچون سارالیر ؟

نسیمی بئله جاواب وئریر :

من ابدیت افق لرینده دوغان عشق گونشئیم  گونش باتاندا رنگی

سارالیر .

روحانیلردن بیری بئله دئیر :

بو ائله ملعون دورکی ، اونون قانیندان  بیر دامچی هارا دوشسه

کسیب آتماق گرکدیر تصادفا نسیمی نین قانیندان بیر دامجی او

روحانی نین بارماغینا سیچراییر جماعت اوندان بارماغینین کسیلمه

سین ایسته ییرلر او ایسه

قورخوب بئله دئییر:

من سوز مثلی دئمیشم .

بو زامان آل قانینا بویانان شاعر نسیمی دئییر :

زاهدین بیر بارماغین کسسن دونوب حقدن قاچار

گور بو مسکین عاشقی ، سر پا سویورلار آغلاماز

بئله لیک له نسیمی ۱۴۱۷ ینجی ایلده حلبده فاجعه لی

شکل ده اولدورولدو اونون قبری بو گون حلبده زیارتگاه دیر

نسیمی تورک ، فارس ، عرب دیلینده شعر دئییب اما اونون عربی

شعر دیوانی ایتیب . نسیمی نین دیوانی دونه – دونه چایا گئدیب .

نسیمی شعرلرینده  نظامی ، مولوی ، عطار و حافظ دن تاثیر آلیب

و اوزوندن سونراکی شاعرلرده او  جمله دن حبیبی ، کشوری ،

حقیقی ،فضولی ،ختایی ، قوسی ، غیبی ، محیطی ، جعفری

ده چوخلو تاثیر قویوب .

     

آردینی اوخو
یکشنبه 27 اسفند 1396
بؤلوملر : نسیمی ,

صبریم آلیب فلک منه یوز مین بلا وئرر ( فضولی )

http://turkisheer.arzublog.com/uploads/turkisheer/FUZULI2.jpg

صبریم آلیب فلک منه یوز مین بلا وئرر

آز اولسا هر متاع اونا ائل چوخ بها وئرر

دوشدیم بلای عشقه خردمند عصر ایکن

ائل شیمدی منن آلدیغی پندی مانا وئرر

صانمین عجب رطب یئرینه وئرسه لعل تر

بیر نخل کی قان یاشیم اونا نشو نما وئرر

خاک درین دیر اول کی دون و گون ثواب ایچون

هم آیه سورمه هو گونشه توتیا وئرر

قیلماز قبول صورت اقبال مونجه کیم

آینۀ وجودما جورین جلا وئرر

نی کیمی جسمیم اولدی اوخوندان دلیک دلیک

دم ووردغومجا یئرلروندن صدا وئرر

هر دردسیزئن اومما فضولی دوای درد

صبر ایله کیم کی ئرئ وئریب دوا وئرر


ملا محمد فضولی

آردینی اوخو
پنجشنبه 10 اسفند 1396
بؤلوملر : فضولی,

ای خوش او مست کی بیلمز غم عالم نه ایمیش (فضولی )

http://turkisheer.arzublog.com/uploads/turkisheer/FUZULI1.jpg

ای خوش اول مست کی بیلمز غم عالم نه ایمیش

نه چکر عالم ایچون غم، نه بیلیر غم نه ایمیش!

بیر پری سلسله‌ی عشقینه دوشدوم ناگه

شیمدی بیلدیم سبب خلقت آدم نه ایمیش؟

واعظ اوصاف جهنم دئیر ، ای اهل ورع!

وار اونون مجلسینه! گؤر کی جهنم نه ایمیش!

اوخو کؤکسومدن ئوتوب، قالمیش ایمیش پیکانی

آه بیلدیم، سبب آه دمادم نه ایمیش!

ای فضولی! مزه‌ی ساغر و صهبا بیلدین

توبه قیل تا بیله‌سن زرق و ریا هم نه ایمیش!

 

ملامحمد فضولی

 

آردینی اوخو
چهارشنبه 9 اسفند 1396
بؤلوملر : فضولی,