بایرامیدی، گئجه قوشی اوخوردی
آداخلی قیز، بیگ جورابین توخوردی
هر کس شالین بئر باجادان سوخوردی
آی نه گؤزل قایدادی شال ساللاماق
بیگ شالینا بایراملیغین باغلاماق
شال ایسته دیم من ده ائوده آغلادیم
بئر شال آلیب تئز بئلیمه باغلادیم
غلام گیله قاشدیم، شالی ساللادیم
فاطمه خالا، منه جوراب باغلادی
خان ننه می یادا سالیب آغلادی
بایرام اولوب، قیزیل پالچیق ازللر
ناقیش ووروب، اتاقلاری بزللر
طاغچالارا دوزمه لری دوزه للر
قیز گلینین فیندیقچاسی، حناسی
هوسله نر آناسی، قایناناسی
باکیچی نین سؤزو، سووو، کاغیذی
اینک لرین بولاماسی، آغیزی
چرشنبه نین گیرده کانی، مویزی
قیزلار دئیر:«آتیل ماتیل چرشنبه
آینا تکین بختیم آچیل چرشنبه»
و...
" استاد شهریار "