اولان گونونن مدینه گولگون 1926 جی ایلده باکی شهرینده آنادن اولوب
1938 جی ایلده عائله سینن بیرلیکده اردبیله کوچوب لر
و سونرا تبریزه گئدیب لر
1950 جی ایلینده باکیدا بالاش آذراوغلونان ائولنیب
1992 جی ایلینین 17 فوریه سینینده باکیدا وفات ائلیبروحو شاد اولسون
بیرجه ایچیملیک سو ، بیر اووج تورپاق
بیر چینار کولکه سی ، بس ائدر منه
بیر لطیف بنووشه ، بیر یاشیل یارپاق
حزین بیر نئی سسی بس ائدر منه
بیر سونبول دنه سی ، بیر آیدین سما
بیتمز بیر خاطرات بس ائدر منه
بیر حسرت سیز عومور ، بیر سون سوز وفا
بیر عومورلوک حیات بس ائدر منه
بیر کورپه گولوشو ، بیر توی صداسی
بیر دوست صداقتی ، بس ائدر منه
بیر قارانقوش سسی ، بیر یاز هاواسی
بیر ده ائل شفقتی بس ائدر منه