وطن حسرتی

بیر سحر یوردومدان آییریب منی
باشقا بیر شهره گتیردی قاتار.
دئدیلر: خسته‌سن، ساغالدار سنی
سویو بوزدان سویوق سرین بولاقلار.

هر داشین دیبیندن بیر ایرماق آخیر،
هر چمن ائله بیل خالی ناخیشدیر...
دئدیم: - بو یئرلرده قلبیم داریخار،
غۆربت جنّت اولسا، وطن یاخشیدیر.

گزیرم سحردن آخشاما کیمی،
یاغیشدا، دوماندا، قاردا گزیرم.
بعضاً دۆشونورم اؤز سههتیمی
هاردا ایتیرمیشم، هاردا گزیرم...

اؽندی سون پاییزین بو اوغلان چاغی
یانیندا اولسایدیم داریخمازدیم من.
چۆنکی دوغما یوردون او بوز تورپاغی
منه مئهریباندی بو گؤی چمندن.

اؽنانین قاییتسام دوغما یئرلره
بیر ده ساوالانا باخسام دویونجا،
سیزدن نه گیزله‌دیم، داها بیر کره
اۆرگیم آغریماز عؤمروم بویونجا.

۱۹۵۸

«چالخالاندیقجا، بولاندیقجا حیات نئهره کیمی،
یاغ-یاغ اۆسته چیخیر، آیرانی آیرانلیق اولور».

شعری ده، شاعیری ده سیلکه‌له‌ییر دؤورو زامان،
پیسی بیر یانلیق اولور، یاخشی‌سی بیر یانلیق اولور.
شعر وار فیکری دایاز، وۆسعتی یوخ، سیقوتی یوخ،
عؤمرو ده، شؤهرتی ده، حیسّی ده بیر آنلیق اولور.
کیمی «میلّت» دئیه‌رک میلّتی قویموش لوغازا،
کیمی هۆمّت ائده‌رک میلّته قوربانلیق اولور.
صابیر، ای شعرمیزین، عصریمیزین نابیغه‌سی،
سؤزلرین چایتک آخیب آخیری عۆمّانلیق اولور.
نئچه توفان یاشاییر دریاجا صبرینده سنین،
لال دایانمیش دنیزین آخیری توفانلیق اولور.
شعریمیز شوروموز اۆچون اگر اولسئیدی معیار،
من ده دئیردیم سن اولان قلبیده اینسانلیق اولور.

۲۰۰۰