یئنه او باغ اولایدی، یئنه یئغیشاراق سیز
او باغا کؤچه‌یدینیز.
بیز ده مورادیمیزجا فلکدن کام آلایدیق،
سیزه قونشو اولایدیق.
یئنه او باغ اولایدی، سنی تئز-تئز گؤره‌یدیم،
قلمه سؤز وئره‌یدیم،
هر گون بیر یئنی نغمه، هر گون بیر یئنی ایلهام...
یازایدیم سحر-آخشام.
آرزویا باخ، سئوگیلیم، تئللریندن اینجه‌می؟
سؤیله، اۆرگینجه‌می؟
یئنه او باغ اولایدی، یئنه سیزه گله‌یدیک،
دانیشایدیق، گۆله‌یدیک.
اۆرکک باخیشلارینلا روحومو دیندیره‌یدین،
منی سئویندیره‌یدین.
گیزلی صؤحبت آچایدیق روحون احتیاجیندان،
قارداشیندان، باجیندان
چکینه‌رک چوخ زامان صؤحبتی دگیشه‌یدین،
منیمله اییشه‌یدین.
یئنه ده بیر وورایدی قلبیمیز گیزلی-گیزلی،
سن ای اسمر بنیزلی!
بو یاز بیر باشقا یازدیر، بو یاز داها دا خوشدور،
وای او قلبه کی، بوشدور!
هر اوفوقده بیر هوس، هر بوجاقدا بیر اومود،
اینسانلار داها مسعود،
دویغولار داها اینجه، فیکیرلر داها درین،
اورکلر داها سرین.
اینسانلارین ووقاری، طلبی داها یوکسک.
یولوموزدان داش-کسک
تمیزلنمیش بیر آز دا. ائللرین کئیفی سازدیر،
بو یاز بیر باشقا یازدیر!
یئنه او باغ اولایدی، یئنه او قوملو ساحیل،
سولار اوتیدی دیل-دیل.
ساچین کیمی قئوریلان دالغالارا دالایدیم،
دالیب ایلهام آلایدیم.
اندامینی هوسله قوجاقلارکن دالغالار،
قلبیمده قاسیرغالار،
فئرتینالار جوشایدی، قئسقانجلیقلار دوغایدی،
منی حیرصیم بوغایدی؛
جوموب آلایدیم سنی دالغالارین الیندن،
یاپیشایدیم بئلیندن،
خیالیمیز اوزه‌یدی سئودا دنیزلرینده،
لپه‌لر اوزرینده،
ایلهامیمین یئلکه‌نی زرّین ساچین اولایدی،
سولار خئرچین اولایدی.
بو نه گؤزل شعردیر، بو نه گوزل منظره،
گلین، باخین خزره.
چئخالیم بوزوونادا کیچیک قایالیقلارا،
سئیر ائده‌لیم بیر آرا...
گئجه‌لر سایریشارکن اولدوزلار لاله کیمی،
ایشیقلار ژاله کیمی
چیلنیب داغیلارکن اطرافا داملا-داملا،
ان یاخین بیر آداملا
نه گؤزلدیر دینله‌مک سولارین نغمه‌سینی،
طبیعتین سسینی!
نه گؤزلدیر دولاشماق ایستی یای فصیللری
بو سرین ساحیللری!
نه گوزلدیر سحرلر بیزیم بؤیوک روحوموز،
آشیب-داشان دویغوموز،
شکلینده‌کی سولاردان باخاراق لذّت آلماق،
بو ماوی شعره دالماق،
دالغالار کیمی قالخماق، دالغالار کیمی ائنمک،
بعضاً حورکوب چکینمک.
هر دالغا بیر کیشنه‌‌ین بیاض یاللی آت کیمی،
بیزیم بو حیات کیمی!
یئنه او باغ اولایدی سئودالار اولکه‌سینده،
او سویود کؤلگه‌سینده،
اینجی قوملار اوستونده یئنه وئریب باش-باشا،
یایی وورایدیق باشا.
گونلریمیز کئچه‌یدی قئزغین فرحلر کیمی،
دولو قدحلر کیمی؛
یارپاقلار آراسیندان اوزاداراق الینی،
اوخشایاراق تئلینی،
گئجه‌لر دارایایدی ساچلارینی، آی گوزل!
سن گوزلسن، آی گوزل؟
اللرینده اللریم، گوزلرینده گوزلریم...
آسیلایدی سوزلریم
کونلونون قولاغیندان بیر قئزیل تانا کیمی،
گونش دوغانا کیمی.
بو یاز دوستلاریم بیر آز بختور اولاجاقلار،
جان-جیگر اولاجاقلار.
بیر آز دا اوزاقلارا آچاجاقلار یئلکه‌نی،
روح یئنی، حیات یئنی...
چئخاجاقلار – گؤیلری آشاراق دونه-دونه –
بولودلارین فووقونه.
اوچاجاقلار صاباحا، اوچاجاقلار یارینا،
ائفیر بوشلوقلارینا.
واختیله بیر کولگه تک حور یاشاماق ایسته‌ین
بو اینسان اوغلو بیلسن
آزادلیق اولکه‌سینده داها شاد اولاجاقدیر،
دونیا داد آلاجاقدیر.
یئنه او باغ اولایدی، یئنه یئغیشاراق سیز
او باغا کؤچه‌یدینیز.
بیز ده مورادیمیزجا فلکدن کام آلایدیق،
سیزه قونشو اولایدیق.
یئنه او باغ اولایدی، سنی تئز-تئز گوره‌یدیم؛
قلمه سوز وئره‌یدیم.
هر گون بیر یئنی نغمه، هر گون بیر یئنی ایلهام...
یازایدیم سحر-آخشام.
آرزویا باخ، سئوگیلیم، تئللریندن اینجه‌می؟
سویله، اورگینجه‌می؟
او باغا کؤچه‌یدینیز.
بیز ده مورادیمیزجا فلکدن کام آلایدیق،
سیزه قونشو اولایدیق.
یئنه او باغ اولایدی، سنی تئز-تئز گؤره‌یدیم،
قلمه سؤز وئره‌یدیم،
هر گون بیر یئنی نغمه، هر گون بیر یئنی ایلهام...
یازایدیم سحر-آخشام.
آرزویا باخ، سئوگیلیم، تئللریندن اینجه‌می؟
سؤیله، اۆرگینجه‌می؟
یئنه او باغ اولایدی، یئنه سیزه گله‌یدیک،
دانیشایدیق، گۆله‌یدیک.
اۆرکک باخیشلارینلا روحومو دیندیره‌یدین،
منی سئویندیره‌یدین.
گیزلی صؤحبت آچایدیق روحون احتیاجیندان،
قارداشیندان، باجیندان
چکینه‌رک چوخ زامان صؤحبتی دگیشه‌یدین،
منیمله اییشه‌یدین.
یئنه ده بیر وورایدی قلبیمیز گیزلی-گیزلی،
سن ای اسمر بنیزلی!
بو یاز بیر باشقا یازدیر، بو یاز داها دا خوشدور،
وای او قلبه کی، بوشدور!
هر اوفوقده بیر هوس، هر بوجاقدا بیر اومود،
اینسانلار داها مسعود،
دویغولار داها اینجه، فیکیرلر داها درین،
اورکلر داها سرین.
اینسانلارین ووقاری، طلبی داها یوکسک.
یولوموزدان داش-کسک
تمیزلنمیش بیر آز دا. ائللرین کئیفی سازدیر،
بو یاز بیر باشقا یازدیر!
یئنه او باغ اولایدی، یئنه او قوملو ساحیل،
سولار اوتیدی دیل-دیل.
ساچین کیمی قئوریلان دالغالارا دالایدیم،
دالیب ایلهام آلایدیم.
اندامینی هوسله قوجاقلارکن دالغالار،
قلبیمده قاسیرغالار،
فئرتینالار جوشایدی، قئسقانجلیقلار دوغایدی،
منی حیرصیم بوغایدی؛
جوموب آلایدیم سنی دالغالارین الیندن،
یاپیشایدیم بئلیندن،
خیالیمیز اوزه‌یدی سئودا دنیزلرینده،
لپه‌لر اوزرینده،
ایلهامیمین یئلکه‌نی زرّین ساچین اولایدی،
سولار خئرچین اولایدی.
بو نه گؤزل شعردیر، بو نه گوزل منظره،
گلین، باخین خزره.
چئخالیم بوزوونادا کیچیک قایالیقلارا،
سئیر ائده‌لیم بیر آرا...
گئجه‌لر سایریشارکن اولدوزلار لاله کیمی،
ایشیقلار ژاله کیمی
چیلنیب داغیلارکن اطرافا داملا-داملا،
ان یاخین بیر آداملا
نه گؤزلدیر دینله‌مک سولارین نغمه‌سینی،
طبیعتین سسینی!
نه گؤزلدیر دولاشماق ایستی یای فصیللری
بو سرین ساحیللری!
نه گوزلدیر سحرلر بیزیم بؤیوک روحوموز،
آشیب-داشان دویغوموز،
شکلینده‌کی سولاردان باخاراق لذّت آلماق،
بو ماوی شعره دالماق،
دالغالار کیمی قالخماق، دالغالار کیمی ائنمک،
بعضاً حورکوب چکینمک.
هر دالغا بیر کیشنه‌‌ین بیاض یاللی آت کیمی،
بیزیم بو حیات کیمی!
یئنه او باغ اولایدی سئودالار اولکه‌سینده،
او سویود کؤلگه‌سینده،
اینجی قوملار اوستونده یئنه وئریب باش-باشا،
یایی وورایدیق باشا.
گونلریمیز کئچه‌یدی قئزغین فرحلر کیمی،
دولو قدحلر کیمی؛
یارپاقلار آراسیندان اوزاداراق الینی،
اوخشایاراق تئلینی،
گئجه‌لر دارایایدی ساچلارینی، آی گوزل!
سن گوزلسن، آی گوزل؟
اللرینده اللریم، گوزلرینده گوزلریم...
آسیلایدی سوزلریم
کونلونون قولاغیندان بیر قئزیل تانا کیمی،
گونش دوغانا کیمی.
بو یاز دوستلاریم بیر آز بختور اولاجاقلار،
جان-جیگر اولاجاقلار.
بیر آز دا اوزاقلارا آچاجاقلار یئلکه‌نی،
روح یئنی، حیات یئنی...
چئخاجاقلار – گؤیلری آشاراق دونه-دونه –
بولودلارین فووقونه.
اوچاجاقلار صاباحا، اوچاجاقلار یارینا،
ائفیر بوشلوقلارینا.
واختیله بیر کولگه تک حور یاشاماق ایسته‌ین
بو اینسان اوغلو بیلسن
آزادلیق اولکه‌سینده داها شاد اولاجاقدیر،
دونیا داد آلاجاقدیر.
یئنه او باغ اولایدی، یئنه یئغیشاراق سیز
او باغا کؤچه‌یدینیز.
بیز ده مورادیمیزجا فلکدن کام آلایدیق،
سیزه قونشو اولایدیق.
یئنه او باغ اولایدی، سنی تئز-تئز گوره‌یدیم؛
قلمه سوز وئره‌یدیم.
هر گون بیر یئنی نغمه، هر گون بیر یئنی ایلهام...
یازایدیم سحر-آخشام.
آرزویا باخ، سئوگیلیم، تئللریندن اینجه‌می؟
سویله، اورگینجه‌می؟