اوغلوم آتانین چخما سوزوندن کور اولارسان
آل وئردن اوزاقلاشما اینان دلخور اولاراسان
یونگولجه دولان برک ایشه گیرمه یورولارسان
پاپروس ساتان اوغلوم
سرخوش یاتان اوغلوم
بیریرده گئدیب ایشلمه ین ایندی عبثدر
پاپروسدان اوچرددن نه قازانسان بیزه بسدر
مین مفته تراموایلارا گئد تینلری کسدر
پاپروس ساتان اوغلوم
سرخوش یاتان اوغلوم
بیلدیرلری آل وئرله بویوک دولته چاتدیم
اوچ آی قیشی هیی قند چای آلیب خلوتی ساتدیم
هر چند بیر آزجزئی گئدیب حبسده یاتدیم
پاپروس ساتان اوغلوم
سرخوش یاتان اوغلوم
ایندی آ بالام آز قالیب اون بئش یاشین اولسون
بیر مین سنین هر گونده گرک داش باشین اولسون
آل وئرچی گرک الدن ایاقدان ماشین اولسون
پاپروس ساتان اوغلوم
سرخوش یاتان اوغلوم
شکر آللها صاندیق دولوسی قند چائین وار
آرشین مالیدان گونده پاساشلاردا پائین وار
غمه چکمه توتولسان نه‌دی کی آلتی آئین وار
پاپروس ساتان اوغلوم
سرخوش یاتان اوغلوم
گئت چای خانایا ائچ چائی چک نئشه نی حاللان
دنج اولما ساتاش خلقه تراموایلارا ساللان
تئز گیر جیبه گوردون که پلیس وار یئره توللان
پاپروس ساتان اوغلوم
سرخوش یاتان اوغلوم
سن گئچمیشه باخما آتان اوندا خوزئین دی
قالسایدی او مال دولتیم هر گاه بیری مین دی
دولتده گئدیب مالدا گئدیب نئیله یم ایندی
پاپروس ساتان اوغلوم
سرخوش یاتان اوغلوم
عبرت آل آتاندان
مامملی مانان اوغلوم
ئولسون آتان اوغلوم
سرخوش یاتان اوغلوم